Ut på tur!

Like før avreise.

Det meste er klart.

Fleire enn meg som skal på ferie:

Sjølv om det nok blir fint

å feriere hjå naboen,

er eg mest nøgd med min eigen tur

til Istanbul

- betalt av jobben! 

Eggande påske...

Her er påskeegg for heile påska. 

Skjærtorsdagsegg...

Langfredagsegg...

Påskeaftaegg...

Litt utpå kvelden påskeaftaegg...

Påskemorgonegg...

 Eller, min personlege variant, barte-flørte-egg.

God påske!

Tid for påskeegg

Tidleg ute med 

påskeegga i år,

men det er berre fordi 

det var så enkelt og kjekt å lage!

(Har tydelegvis slått meg

på ballongar i år...)

Perfekt helgeaktivitet.

Stikk innom Panduro

og kjøp gips.

Ballongar har du sikkert liggande 

etter islyktsesongen.

Dette klarar alle å gjere

(med pittelitt styring).

 Tørk mens du tek søndagsturen.

Hot tips: Stikk hol på ballongen utandørs,

då unngår du eit lett gipsdekke inne.

Og så kan dei jo brukast

til heilt andre ting òg!

Pickles-panikk

Inspirert av fint

strikkearbeid laga av

Eple

bestilte eg meg ein pakke

med garn og oppskrift frå Pickles.

Valet fall på Knæsj cardigan,

med den litt mindre knæsje fargen steinrøys.

Enkel,

men SKUMMEL oppskrift.

 Eg måtte nemleg klippe i arbeidet.

Då erfarte eg at det låg få gode

forklaringar og framgangsmåtar på internett,

og oppskrifta var utydeleg for meg som aldri

hadde gjort det før.

Det gjekk bra.

Så vidt.

Prøver å legge ut ein trygg framgangsmåte her, 

som kanskje ikkje er 100% etter boka, 

men som funka veldig fint.

1. Damp plagget godt før du syr i det.

2. Snu det på vranga og tråkle ein tråd med 

anna farge i midten av midtmaskene.

Det er der det skal klippast.

3. Sy ein rett saum midt mellom tråden du har tråkla inn og den siste

vrangstrikka maska (frå vranga blir det den rette). 

Deretter syr du med små sikksakksting to-tre gongar over den rette saumen.

 Dette skal funke på samme måte som ein kantar eit stoffstykke 

for å unngå at det skal rakne.

Dette gjer ein på begge sider av den tråkla tråden!

4. Finn fram ei god saks og strikkepinnar 

du skal bruke til å ta opp masker med etter du har klipt.

5. Klipp nøyaktig og forsiktig der kor tråkletråden er.

6. Plukk masker opp frå kanten. 

Eg spøtar alltid fyrste omgangen rett med vridde masker.

Sikksakk-kanten dampar du ned og 

syr fast på innsida, dersom det er nødvendig.

(Eg tråkla den berre fast med samme garn som jakka

er spøta i.)

 Lurt triks er å markere kor knapphola skal vere før 

ein begynner å spøte. Nok av gongar der eg har laga knapphol på feelingen

og har måtte rekke oppatt alt etterpå... 

Så er det berre det kjekke arbeidet att: 

å finne rette knappar!

PS!

Jakka har måla til medium,

men er lagt opp i str. L

då strikkefastheita til Pickles er L A U S !

Morsdagsgåve

Det er ikkje så

ofte eg ser mor mi,

heller ikkje på morsdagen,

ettersom ho bur

i ein annan by i eit anna fylke.

Men denne helga er ho her!

Den årlege blomen levert på jobben hennar

(DET er stas det!)

er bytta ut med ei meir langvarig

og nyttig gåve.

Billige og fine treperler

frå Søstrene Grene.

Ta en tråd og træ dom på (eller strikk).

Sjølvsagt inkludert middag!

Islykter

Inspirert av dei utruleg

fine og kule islyktene

til Moseplassen.

Bergenstemperaturen krev halvanna døgn ute.

Smelt hol i toppen med varmt vatn.

Finaste inngangspartiet på heile Laksevåg!

Redesigna juletreduk

Juletreduk på sal

ga meg ein god idé!

Etterlengta dørmatte

i kronglete gang!

Og stoffrestane 

vil halde meg

og mange andre varme 

på beina!